د شهیدانو او معلولینو چارو وزارت د کارکوونکو چارو ریاست کې اداري غونډه ترسره شوه
د چارو د لا ښه انسجام او د همغږۍ د پياوړتیا په موخه د شهیدانو او معلولینو چارو وزارت د کارکوونکو چارو په ریاست کې اداري غونډه ترسره شوه، چې پکې د اړوندو برخو آمرینو او کارکوونکو ګډون کړی وو.
په دې غونډې کې محترم مولوي محمد موسی صدیقي په روان مالي کال کې د چارو د ښه پرمختګ او انسجام په موخه د اغېزمنو پلانونو د جوړولو، د ۱۴۰۵ مالي کال د تشکیل لپاره د چمتووالي نیولو، د تشویق او تنبیه د میکانیزم د پلي کولو او د استخدامي چارو د رهنمودونو په اړه مفصلې خبرې وکړې، همدارنګه د کارکوونکو د خلص سوانحو د برخې (CPMIS)، سیسټم د فعالولو، د سوانحو د دفترونو د منظم ترتیب او د اداري اصلاحاتو او ملکي خدمتونو د معرفي شوي پلاوي کاري څرنګوالی او نور اړوند مهم موضوعات تر بحث لاندې ونیول شول.
د یادې غونډې ګډونوالو هم د چارو د لاښه والي په موخه خپل نظرونه او وړاندیزونه شریک کړل چې د څېړلو وروسته، د محترم مولوي محمد موسی صدیقي له لوري ورته لازمې لارښوونې وشوې.
