د معلولينو ملي فدراسيون جوړيدل د ټولو معلولينو غوښتنه ده او په دې تړاو هر اړخيزې همکارۍ ته چمتو يو
د معلولينو ملي فدراسيون جوړيدل د ټولو معلولينو غوښتنه ده او په دې تړاو هر اړخيزې همکارۍ ته چمتو يو
نن دوشنبه د مرغومې ۲۲مه، د شهيدانو او معلولينو په چارو کې د دولت وزير لعل الدين آريوبي، د معلولينو په چارو کې د جمهور رئيس له سلاکار عمرا خان منيب سره وکتل او د معلينو ملي فدراسيون په تړاو يې خبرې اترې وکړې.
د ناستې په پيل کې د معلولينو په چارو کې د جمهور رئيس سلاکار، ښاغلي عمرا خان منيب د معلولينو ملي فدراسيون د جوړښت پر څرنګوالي خبرې وکړې او په دې برخه کې يې د شهيدانو او معلولينو په چارو کې د دولت وزارت مشرتابه څخه د همغږۍ او همکارۍ غوښتنه وکړه.
د ښاغلي منيب په خبره، چې د معلولينو ملي فدراسيون د جوړيدو په هکله کارونو کې پرمختګ شوی او ډېر ژر به معلوليت لرونکي وګړي د يو منظم ميکانيزم له مخې د هيواد په کچه د ټولشموله فدراسيون خاوندان شي.
د شهيدانو او معلولينو په چارو کې د دولت وزير، لعل الدين آريوبي د معلولينو ملي فدراسيون جوړيدل د ټولو معلولينو هيله وبلله او په دې اړه يې د هر اړخيزې همکارۍ ډاډ ورکړ.
ښاغلي آريوبي څرګنده کړه، چې د معلولينو ملي فدراسيون د جوړيدو په تړاو دې د معلولينو استازو او مدني بنسټونو سره همغږي را منځته او د هغوی غوښتنو او وړانديزونو ته دې پکې ځای ورکړل شي.
نوموړي د معلولينو ملي فدراسيون د ژر تر ژره جوړېدو هيله وکړه، څو د ټول هېواد په کچه د معلوليت لرونکو وګړو د ګټو خونديتوب لپاره يو ټولشموله او واحد ادرس رامنځته شي.
