د مالیې وزارت د FPIP پروسې استازو د شهیدانو او معلولینو په چارو کې د دولت وزارت مسولینو سره ناسته وکړه
د مالیې وزارت د FPIP پروسې استازو د شهیدانو او معلولینو په چارو کې د دولت وزارت مسولینو سره ناسته وکړه
د مالیې وزارت استازو د شهیدانو او معلولینو په چارو کې د دولت وزارت د برېښنایي سیستم د معیاري کولو په موخه د غازي امان الله خان په تالار کې د همغږۍ ناسته وکړه.
دا ناسته د دې وزارت د مالي او اداري چارو مرستیال ښاغلي دل آقا صوفي زاده په مشرۍ ترسره او د شهیدانو د وارثینو او معلولیت لرونکو وګړو د حقوقو او امتیازاتو د ورکړې سیستم د معیاري او ساده کولو پر څرنګوالي بحث نظرونه تبادله شوه.
د مالیې وزارت د یادې پروسې استازو د دغې پروسې د موخې او تطبیق څرنګوالي په اړه هر اړخیز پرزنټېشن وړاندې او روښانه یې کړه، چې څه ډول د دې وزارت پخواني سیستمونه د معاشاتو د ورکړې، حاضرۍ، تدارکاتو او د وزارت نورې برخې عصري برېښنایي هغو ته واړوو.
ښاغلي صوفي زاده د مالیې وزارت له همکاریو مننه وکړه وویل، چې د دې سیستم له پلي کېدو سره به ټولې ستونزې له منځه لاړې شي او ټولې ورځنۍ چارې به معیاري او په یوه منظم سیستم کې تطبیق شي.
