د بامیان ولایت د شهیدانو او معلولینو چارو ریاست یو پلاوي ورس او پنجاب ولسوالیو ته سفر وکړ
د بامیان ولایت د شهیدانو او معلولینو چارو رئیس محترم علي خان احمدي په مشرۍ يو پلاوي د یاد ولایت ورس او پنجاب ولسوالیو ته یې د سفر په ترڅ کې له یو شمېر یتیمانو او معلولینو سره له نږدې وکتل، د هغوی ستونزې او غوښتنې په دقیق ډول واوریدې او د شته ستونزو د حل به برخه کې د هغوی سره ژمنه وکړه.
همداراز محترم علي خان احمدي د دې سفر پر مهال د یادو ولسوالیو له ولسوالانو سره هم لیدنه وکړه او له هغوی يې وغوښتل چې یتیمانو، کونډو مېرمنو او معلولینو ته لا زیاته پاملرنه وکړي.
